Монгол Улсын Засгийн газраас Хэнтий аймгийг Түүхэн аялал жуулчлалын бүс нутаг болгон зарласан. Монгол Улсын урт хугацааны хөгжлийн бодлого “Алсын хараа-2050”-д “Мянганы суут хүн Их Эзэн чингис хаан” түүхэн аялал жуулчлалын үндэсний парк байгуулахаар тусгасан байдаг бөгөөд Хэнтий аймагт монголын төрт ёсны түүх, дурсгалын үнэт өв, нүүдлийн соёл, уламжлалт ахуйд түшиглэсэн бүтээн байгуулалтын ажлууд өрнөж байна.
Тухайлбал, Хэнтий аймгийн Биндэр, Дадал, Норовлин, Батноров, Бэрх, Дэлгэрхаан зэрэг сумдад соёлын болон түүхэн аялал жуулчлалын цогцолборууд барихаар хөгжлийн бодлогод тусгагдсан.
Тэгвэл эдгээр зорилтын хүрээнд Хэнтий аймгийн Чингис хотод орон нутаг судлах музейн шинэ барилга ашиглалтад орлоо. Музей нь 1100 дэсийн 2100 гаруй эх үзмэртэй. Байгалийн өвийн танхим, Эртний түүхийн танхим зэрэг нийт 7 танхимтай.
Музейн барилга нь орчин үе, уламжлалт хэв маягийг хослуулсан шийдэлтэй ба нэгдүгээр давхарт музейн стандарт бүхий сан хөмрөгийн 9 өрөө, кино үзвэрийн болон хурлын танхим, угтах хэсэг, бэлэг дурсгалын дэлгүүр, үзэгч, тусгай хэрэгцээт иргэдэд зориулсан тохижилт, бүрэн камержуулалт, харуул хамгаалалтын хэсэг, ажилтан албан хаагчдын хүүхдийн өрөөтэй.
Хоёр болон гуравдугаар давхарт үзүүллэгийн танхим, үзэгчдийн амрах хэсэг, кофе шоп, албан өрөөтэй. Түүнчлэн үзмэр, эд өлгийн зүйлийн аюулгүй байдлыг ханган зөөж тээвэрлэхэд зориулсан цахилгаан шат, аюулгүйн гарц, галын аюулаас урьдчилан сэргийлэх дохиолол хамгаалалт, тусгайлсан код бүхий хаалга, гэрэлтүүлэг гээд орчин үеийн стандартад нийцсэн музейн зориулалтын барилга байгууламж юм.
Соёлын яам бие даан байгуулагдсанаар театр, музей, чуулгын барилгад онцгой анхаарал хандуулан ажиллаж байна. Музейн барилга бол онцгой объект төдийгүй үнэ цэнэтэй үзмэр, эд өлгийн зүйлсийг найдвартай сан хөмрөгт хадгалдах, түүнийг стандартын шаардлага хангасан шилэн хорго, орчинд дэглэн үзүүлэхээс гадна хүүхэд болон бүх насныханд зориулсан боловсролын хөтөлбөр хэрэгжүүлэх орон зай, өрөө тасалгаа, төлөвлөх гэх мэтчилэн аль болох хүмүүсийн оролцоот хөтөлбөрийг онцгойлон анхаарч байна. Түүнчлэн Музейн тухайн хуулиар музейдэд
Музейн бүтээн байгуулалтын ажил 2020 онд эхэлж хоёр жилийн хугацаанд барьж, тохижилтын ажил ийнхүү Хан Хэнтий уулын аймаг байгуулагдсаны түүхт 100 жилийн ойг угтан музейн шинэ барилга ашиглалтад орлоо гэж Монгол Улсын Соёлын яамнаас мэдээллээ.