Сэлбэ голын үерийн далан сэтэрч, голын эрэг дагуух хотхон, хороолол усанд автаад байна.
Ойр орчмын зам усаар дүүрсэн, явахад хүндрэлтэй байгаагийн дээр тогтсон үерийн усыг соруулахад багагүй хугацаа шаардагдах аж.
Гамшгийн үеийн ажилд туслахаар дүүргүүдийн зам цэвэрлэгээний ажилтнууд сайн дураараа нэгдэж, ажиллаж байна. Өдрийн хоолоо ээлжлэн гадаа яаравчлан идэх тэд зориулалтын хувцас бээлийгүй хэдий ч эргээд хэвийн байдалд орох хүртэл чадах чинээгээрээ туслана гэв.
Засварын ажил явагдаж байх үеэр туслах материал буулгаж байсан том автомашины зогсож байсан газар нурж хүндрэл үүссэн юм.
Байрнуудын тог тасарч хүмүүс үерийн бохир усыг углааштай гатлаж, гэрээсээ “дайжиж” байлаа.
Байрны доор байрлах дэлгүүрүүдийн тог тасарч үйл ажиллагаагаа явуулах боломжгүй болсон.
А.Намуундалай
