Голомт Банк 2022 оны 11 дүгээр сарын 23-ны өдрөөс 2022 оны 11 дүгээр сарын 30-ны өдрүүдэд анхдагч зах зээлийн арилжаагаар хувьцааныхаа 10.09 хувь буюу 80,402,743 ширхэг хувьцааг нэг бүрийг нь 1,285 төгрөгөөр нийтэд санал болгосон билээ.
Захиалгын эрэлт өндөр байсан тул олон нийтэд санал болгосон хувьцааныхаа 15 хувьтай тэнцэх хэмжээний буюу 12,060,411 ширхэг хувьцааг нэмэлтээр гаргаж, нийт 118,815,152,890 төгрөгийг /нийт хувьцааны 11.43 хувь/ олон нийтээс амжилттай татан төвлөрүүлсэн.
Татан төвлөрүүлсэн хөрөнгөөс санхүүжүүлсэн 31.0 тэрбум төгрөгийн зээлийг төлөвлөгөөний дагуу олгожээ.
Одоогийн байдлаар ашиглагдаагүй 85.7 тэрбум төгрөгийг Монгол Банкны үнэт цаасанд байршуулсан бөгөөд цаашид төлөвлөгөөний дагуу үе шаттайгаар зээл олголтыг санхүүжүүлнэ.
Дэлгэрэнгүй тайланг энд дарж үзнэ үү.
Эх сурвалж: Монголын хөрөнгийн бирж
