НӨАТ-ын сугалааны тохирол өнөөдөр буюу /2023.04.19/-ний 13:00 цагт Боловсрол суваг ТВ болон гар утасны ebarimt аппликэйшнээр шууд явагдана.
Энэ удаагийн тохиролд 2023 оны гуравдугаар сарын 1-31-ний хооронд худалдан авалт хийсэн баримт хамрагдах юм. Түүнээс гадна өнгөрсөн сард улсын хэмжээнд 35,434 иргэн азтан болжээ.
НӨАТ-ын сугалааны тохиролд:
- 1-10 баримт бүртгүүлээд 3-8 орон таарвал 30,000-5 сая төгрөг
- 11-50 баримт бүртгүүлээд 3-8 орон таарвал 40,000-10 сая төгрөг
- 51-ээс дээш баримт бүртгүүлээд 3-8 орон таарвал 60 мянгаас 30 сая төгрөгийн урамшуулал авахаар шинэчилсэн.
НӨАТ-ын баримттай холбоотой Сангийн сайд Б.Жавхлан, “НӨАТ-ын сугалааны системийг цахимжуулж, ил тод болгосон. Иргэдийн зүгээс зарим сар супер азтан таарсангүй гэдэг шүүмжлэлийг өгдөг. Одоо бүх азтан тодорно. Олон баримт уншуулах тусам таны хожих магадлал өндөрсөнө. Уншуулсан баримтын хэмжээгээр сар бүр сугалаанд өгөх хонжворын сан нэмэгдэнэ гэсэн юм.
