Д.Амарбаясгалан:”Монголын Төмөр Зам” ТӨХК-ийн онцлог нь ашиглалтад орсон төмөр зам байхгүй
Засгийн газрын хуралдаанаас гарсан шийдвэрийг өнөөдөр танилцууллаа.
Ерөнхий сайд “Монголын Төмөр зам” ТӨХК-ийг шалгах чиглэл өгчээ. Энэ талаар ЗГХЭГ-ын дарга Д.Амарбаясгалан хариулав.
Тэрбээр “Монгол Улсын хэмжээнд төрийг төлөөлж үйл ажиллагаа явуулж буй хоёр компани байгаа. Өнгөрсөн оны аравдугаар сард Засгийн газрын шийдвэрээр Зүүнбаян, Гашуунсухайт төмөр замыг “Монголын Төмөр Зам” ТӨХК-д нэгтгэх шийдвэр гаргасан. Одоогийн байдлаар тус компанид 500 гаруй албан хаагч ажиллаж, үйл ажиллагааг явуулж байна.
Гэхдээ “Монголын Төмөр Зам” ТӨХК-ийн онцлог нь бүрэн ашиглалтад орсон төмөр зам байхгүй, тээвэр, үйл ажиллагаа явуулдаггүй. Гэвч 500 гаруй ажилтантай ямар үйл ажиллагаа байна вэ, зохимжтой орон тоо байна уу гэдэг дээр шалгалт явуулах чиглэл өгсөн” хэмээн ярив.