УСУГ-ын залуучууд Шатрын их мастертай нөхөрсөг тоглолт хийлээ
Дэлхийн шатрын 44-р олимпиадад амжилттай оролцсон шигшээ багийн тамирчид Ус сувгийн удирдах газрын залуучуудтай нөхөрсөг тоглолт хийж “Оюунлаг” өдөрлөгийг зохион байгууллаа.
Өдөрлөгт:
Эрэгтэй багаас
Олон улсын их мастер С.Билгүүн, Олон улсын хэмжээний мастер С.Ган-Эрдэнэ
Эмэгтэй багаас
Олон улсын хэмжээний мастер Б.Баярмаа, Олон улсын шатрын холбооны мастер Д.Мөнхзул нар урилгаар ирж оролцсон бөгөөд Шатрын их мастер С.Билгүүн УСУГ-ын 14 шатарчинтай зэрэг тоглолт хийсэн юм.
“Оюунлаг” өдөрлөгийг УСУГ-ын дарга Ц.Төрхүү нээж үг хэлж, тэмцээнд оролцогчдод амжилт хүслээ.
Бэлтгэсэн: Х.Эрхэс
