“Foxconn”-ийн дэд ерөнхийлөгч iPhone 8 төхөөрөмжийн үнийг батлав

Foxconn компанийн дэд ерөнхийлөгч Ло Чуншэн “iPhone 8 төхөөрөмж нь хямд биш” гэж хэлснийг 9to5Mac дамжууллаа. Смартфоны зохиомжийн эрс өөрчлөлт нь  үйлдвэрлэлийн зардлыг ихээхэн нэмэгдүүлсэн гэж тэр хэлжээ. Хятадын Weibo сүлжээний мэдээллээр, дэлгэцийн ээдрээтэй хэлбэрээс үүдэн  OLED-панелийн 40 орчим хувь нь хэв даралтын дараа гологдол болсон гэнэ.

Өмнө гарсан мэдээгээр iPhone 8 смартфоны дэлгэц нь төхөөрөмжийн нүүрэн талыг камерын жижиг цоололттойгоор бүтнээр нь эзэлж байгаа гэнэ. Ийм зохиомж нь дэлгэцийн хэмжээг томруулж өгчээ. The Telegraph сонинд бичснээр, Америкийн зах зээлд дэх iPhone 8-ын жижиглэнгийн үнэ нь $1200 – $1400 (72 – 84 мянган руб.) байх ажээ.

Харьцуулбал, 256 Гбайтын iPhone 7 Plus нь өнөөдөр $969 доллараар зарагдаж байна. OnLeaks хочоор алдартай инсайдер Стив Хаммерстоффер өөрийн “Твиттерт” Apple компани iPhone 8 смартфоныг бөөнөөр үйлдвэрлэж эхэллээ гэсэн байв.Шинэ смартфоныг ирэх есдүгээр сард олонд танилцуулах төлөвлөгөөтэй байгаа юм.

М.ЭРДЭС