Дэлхий ертөнц амжилтанд хүрэхийг хүсдэг хүмүүсээр дүүрэн байдаг бөгөөд амжилтанд хүрэхийн тулд юу хийж эхлэх хэрэгтэйг бүгд асуудаг.
1. Үргэлж төгс төгөлдөрт хүрэхийн төлөө тэмүүлэхээ болих.
Амьдралын аль ч салбарт төгс байдаггүй, учир нь төгс төгөлдөр бол хамгийн хэвийн бус нөхцөл юм. Бизнес эхлүүлэх, ажлаасаа гарах, хүссэн аялалдаа гарах төгс цаг гэж байдаггүй. Та төгс төгөлдөр байдлаас татгалзаж, бодит арга хэмжээ авч эхлэх хэрэгтэй.
2. Найдвар биш, төлөвлөгөө чухал.
Аливаа салбарт амжилтанд хүрэхийн тулд төлөвлөгөө гаргах хэрэгтэй. Та өөртөө сайн зүйл тохиолдоно гэж найдаж болохгүй. Та бол өдөр тутмын, долоо хоног, сарын төлөвлөгөө боловсруулж чадах амьдралынхаа бүтээгч.
Зорилгоо тодорхойлохдоо тэдгээрийг ямар нэгэн утга учиртай болго. Жек Канфилд хэлэхдээ “Тодорхойгүй зорилго нь тодорхойгүй үр дүнд хүргэдэг.” Та итгэл найдвараа орхиж, стратеги, тактикаар солих хэрэгтэй.
Ихэнх хүмүүс урт хугацаанд бодохын оронд “10 фунт хасах” эсвэл “100,000 доллар олох” гэх мэт богино ерөнхий зорилго тавьдаг. 100,000 доллар олох нь таны амьдрал, гэр бүлд хэрхэн нөлөөлж, бусдад туслах боломжийг танд олгох талаар бодох нь зөв.
Зорилгоо нарийсгасны дараа тэдгээрийг цаасанд бич. Биелэнэ гэдэгт 100% итгэ. Үүнийхээ төлөө өдөр бүр хөдөлмөрлө.
3. Жижгээр тоглохоо болих.
Арнольд Шварцнеггерийн хэлснээр “Энэ дэлхий дээр байхын тулд амьдралдаа сэтгэл дундуур явж, бусадтай адил байх нь ямар ч утга учиргүй. “Та жижиг тоглохоо орхиж, томоор сэтгэж эхлэх хэрэгтэй “. Том зорилго, мөрөөдөл, карьер амбиц нь ихэнх хүмүүст галзуу мэт санагддаг. Мэдээжийн хэрэг, хүмүүс таны мөрөөдөлд эргэлзэж, үгүйсгэх болно, гэхдээ хэнд хамаатай юм.
Хэрэв та өөрийнхөө төлөө зоригтой эрсдэл хүлээхгүй бол таны мөрөөдөл чамтай хамт сүйрэх болно. Хүн болгонд сэтгэгдэл төрүүлэхийн тулд хичээж хэрэггүй, харин асар их амжилтанд хүрэхийн төлөө зүтгэ.
4. Шалтгаан тоочихоос татгалз.
Амжилтын зарчмууд хэмээх бестселлер номонд номер нэг зуршил бол амьдралынхаа төлөө 100% хариуцлага хүлээх явдал юм гэж бичигджээ. Хэрэв та амжилтанд хүрэхийг хүсч байвал шалтаг тоочиж явдлыг хаях хэрэгтэй.
Амьдралынхаа сайн ч бай, муу ч бай бүх зүйлд хариуцлага хүлээж эхэл. Хэрэв та амжилтанд хүрэхийг хүсч байвал том ялалт байгуулах шаардлагатай, ямар ч шалтаг шалтгаан хэлэхгүй байж сурах нь эрхэм.
5. Эрүүл бус амьдралын хэв маягаас татгалз.
Хэрэв танд энэ амьдралаас таашаал авах эрүүл мэнд байхгүй бол шаргуу ажиллахын утга учир юу вэ? Түргэн хоолны дэглэм нь илүү тохиромжтой байж болох ч эрт орой хэзээ нэгэн цагт таныг хохироох болно.
Ажил мэргэжил, бизнесээ хийдэг шигээ эрүүл мэнддээ анхаар. Та зөвхөн бусдаас илүү сайхан харагдах, илүү албан тулаалтай болох, илүү их эрч хүчтэй байхаас гадна танд өөрийн амьдралаас сэтгэл ханамж авах эрүүл сэтгэл зүйтэй байх ёстой.
6. Нэг өдрийн дотор амжилтанд хүрнэ гэдэгт итгэхээ боль.
Амжилт нь хэдэн арван жил биш юмаа гэхэд олон жилийн шаргуу хөдөлмөр, хүсэл мөрөөдлөө цуцашгүй эрэлхийлсний үр дүнд бий болдог.
Амжилтанд хүрсэн хүмүүс үүнийг мэддэг бөгөөд гялалзсан зүйлд сатаардаггүй. Тэд зорилгодоо тууштай байж, “хурдан баяжих схем”-ийг үл тоомсорлодог. Зорилгодоо хүрэхийн тулд сугалаанд хожих биш, байнгын бөгөөд эцэс төгсгөлгүй сайжрахыг, суралцахыг хичээдэг.
7. Сөрөг, хортой хүмүүсээс татгалз.
Таны дотоод ертөнц таны гадаад ертөнцөд ихээхэн нөлөөлдөг нь нууц биш юм. Хэрэв та амжилтанд хүрэхийг хүсч байвал чамайг өөрсөдтэйгөө хамт доош нь татдаг сөрөг, хортой хүмүүсээс татгалзахад бэлэн байх ёстой.
Энэ нь таны удаан хугацааны туршид таньдаг зарим хүмүүст маш хэцүү байж магадгүй юм. Гэхдээ урт хугацааны нөхөрлөл таны урт хугацааны боломжийг хязгаарлахыг бүү зөвшөөр. Эргэн тойрноо харж, амжилтанд тань тусалж буй болон ахиц дэвшилд тань саад болж буй хүмүүсийг тэмдэглэ.
Амжилт гэдэг нь амьдралдаа үргэлж ямар нэг зүйл нэмэх гэсэн үг биш гэдгийг санаарай. Энэ нь таны орхих ёстой зарим зүйл байдгийг мэдэх хувийн сахилга баттай байх ёстой гэсэн үг юм.
Амжилттай зуршлыг бий болгож, ялагчаар өөрийгөө хүрээлүүл. Эдгээр долоон зүйлээс татгалз, амжилт дагах нь гарцаагүй!
Эх сурвалж: Өсвөрийн сэтгэл зүйч хуудас
