Хөгжмийн зохиолч Б.Долгион хутгалуулж эмнэлэгт хүргэгджээ.
Тодруулбал БЗД-ийн 16-р хорооны … байрны … тоотоос 67 настай Д бусдад хутгалууллаа гэх дуудлага тус дүүргийн цагдаагийн газарт ирсэн байна.
Дуудлагын дагуу цагдаагийн бүрэлдэхүүн газар дээр нь ажиллаж хохирогчийг эмнэлэгт хүргүүлсэн байна.Уг хэргийг дээрх хаягт оршин суух хаягтай 70 настай эрэгтэй Б үйлдсэн нь тогтоогджээ.
Б, Д нар нь согтууруулах ундааны зүйл хэрэглэсэн үедээ маргалдаж улмаар Б нь ахар сүүлний орчим нэг удаа хатгаж, зүүн гарын сарвууны арыг нэг удаа зүсэж гэмтээсэн байна.
Хохирогч Д нь эмнэлэгт зургаан оёдол хийлгэсэн бөгөөд согтууруулах ундааны зүйл хэтрүүлэн хэрэглэсэн, мэдүүлэг өгөх чадваргүй байсан тул ар гэрийнхэнд нь хүлээлгэн өгсөн байна.
Холбогдогч Б согтуу байсан тул түүнийг эрүүлжүүлэн, саатуулжээ. Хэргийг БЗД-ийн Цагдаагийн нэгдүгээр хэлтэст үргэлжлүүлэн шалгаж байна.
