Усны нөөцлийн мониторинг хэрэгжүүлдэг усны харуулын ажиглагч нарыг амь нас, эрүүл мэндийн гэнэтийн ослын даатгалд хамруулжээ

Усны нөөцлийн мониторинг хэрэгжүүлдэг усны харуулын ажиглагч нарыг амь нас, эрүүл мэндийн даатгалд хамруулсан талаар БОАЖЯ цахим хуудсаараа дамжуулан мэдээллээ.  Усны харуулын ажиглагч нар нь гол мөрөн, нуур, мөстөл мөсөн голын усны нөөцийн өдөр бүрийн хяналтыг хийдэг бөгөөд голын урсцыг хэмжих зорилгоор жилд дунджаар 60 орчим удаа зундаа гол усанд, өвөлдөө мөсөнд орж ажилладаг байна.

Мөн мөстлийн хяналтыг хийхээр Алтай таван богдын Хүйтний оргил зэрэг өндөр ууланд хэдэнтээ гарч, тус салбарыг чухал ач холбогдолтой мэдээллээр ханган ажилладаг аж. Тиймээс гол нуур, мөстөл мөсөн голын харуулын ажиглагчид болон төрийн үйлчилгээний 200 гаруй ажилчдыг амь нас, эрүүл мэндийн гэнэтийн ослын даатгалд хамруулжээ.

Н.БАТАА