БНХАУ-ын коксжих нүүрсний импортын 45.2 хувийг Монгол Улс бүрдүүлжээ
БНХАУ-ын коксжих нүүрсний импорт сүүлийн таван сард тогтмол өсөлттэй байлаа. Долдугаар сард БНХАУ 6.12 сая тонн коксжих нүүрс импортолсон нь өмнөх оны мөн үеэс 62.23 хувиар, өмнөх сараас 22.78 хувиар өссөн үзүүлэлт болж байна.
БНХАУ-ын коксжих нүүрсний импорт сүүлийн таван сард тогтмол өсөлттэй байна. Өнгөрсөн сард БНХАУ 6.12 сая тонн коксжих нүүрс импортолжээ. Үүний 45.2 хувийг Монгол Улс, 32.8 хувийг ОХУ нийлүүлсэн бол үлдсэн хувийг Канад, АНУ, Индонез улс бүрдүүлжээ.
Тайлант сард коксжих нүүрсний импортын үнийн дүн 1.56 тэрбум ам.доллар болж, өмнөх оны мөн үеэс 134.5 хувиар өссөн байна. Нүүрс импортлох дундаж үнэ тонн нь 255.9 ам.доллар болж, өмнөх оны мөн үеэс 79 ам.доллароор өсжээ.