Шилдэг 16 харваачаас сэргээш илрээгүй
Үндэсний их баяр наадамд дөрөв ба түүнээс дээш давсан 64 бөх, 16 харваач нийт 80 хүнээс допингийн шинжилгээ авсан. Бөхчүүдийн шинжилгээний дүнг Үндэсний бөхийн салбар хорооны дарга, ХЗДХЯ-ны Төрийн нарийн бичгийн дарга П.Сайнзориг өнөөдөр зарласан. Тэрбээр сэргээшийн шинжилгээ авсан 64 бөхийн нэгээс нь допинг илэрсэн хэмээн мэдэгдлээ.
Харин шилдэг 16 харваачийн сэргээшийн шинжилгээний хариуг Монголын үндэсний харваачдын холбоо цахим хуудаснаа нийтэлсэн бөгөөд харваачдаас допинг илрээгүй байна.