Үндэсний их баяр наадмын Урлаг, соёлын салбар хороо нь
1. Баяр наадмын нээлт, хаалтын үйл ажиллагаа
2. Төрийн хүндэтгэлийн концерт / Соёлын төв өргөө, Сүхбаатарын талбай /
3. Төрийн дайллагын концерт
4. “Соёлын наадам” / Хүй долоон худаг /
5. “Дээлтэй Монгол наадам”
6. “Монголын сайхан орон” уран зургийн үзэсгэлэн
7. “Монгол бахархал“”гэрэл зургийн үзэсгэлэн
8. Наадмын брэнд хөтөч, өнгө төрх зэрэг нийт 8 арга хэмжээг “МОНГОЛ БАХАРХАЛ” “ДОТООД НҮҮДЛЭЭ СЭРЭЭЦГЭЭЕ” уриан дор нэг агуулга нэгдмэл зохион байгуулалтайгаар мэргэжлийн урлагийн байгууллагууд, циркийн урлагийн болон чөлөөт уран бүтээлчид, зураач дизайнерууд, найруулагч, продюсер, зохион байгуулагчдаас бүрдсэн 2600 гаруй хүний авъяас чадвар, ур ухаан хөдөлмөр зүтгэлийн хүчээр ард түмэндээ хүргэлээ.
Авъяас билэг, ур,ухаан төгөлдөр уран бүтээлчид маань төрт ёсны их соёл, уламжлал, ёс заншлаа өргөн олон түмэндээ омогшил, бахархал, ухаарал сэрхүйгээр дүүрэн үзүүлж Үндэсний их баяр наадам маань ёслол төгөлдөр, өргөн дэлгэр болж өндөрлөлөө.
Дэмжиж хамтарч ажилласан байгууллага хамт олон, уран бүтээлчид, бүх хүмүүст Монгол Улсын засгийн газар, Соёлын яам, ЗГХА Соёл урлагийн газрын нэрийн өмнөөс гүн талархал дэвшүүлж, ажлын амжилт сайн сайхныг хүсье гэж Байгаль орчин, аялал жуулчлалын яамнаас мэдээллээ.
