МХЕГ: Нүхэн жорлонг долоо хоногт 2-3 удаа зориулалтын бодисоор халдваргүйжүүлэх шаардлагатай
Нүхэн жорлон угаадасны нүх, бохирын цооног ашиглагч иргэн, аж ахуйн нэгжид Мэргэжлийн Хяналтын Ерөнхий Газраас дараах зөвлөмжийг хүргүүлээ.
Стандартын шаардлага хангасан нүхэн жорлон нь:
- Битүү хавтангаар хийх
- Бүхээгийн хаалга гадна, дотор талдаа түгжээтэй байх
- Шөнийн цагт гэрэлтүүлэгтэй
- Бүхээгийн хаалганы дээд талд 400 мм урт, 200 мм өргөн ялаа, шавж орохоос хамгаалсан тор бүхий цонхтой
- Бүхээг дотор ариун цэврийн цаас, өлгүүр, тагтай хогийн сав, цэвэрлэгээний хэрэгсэл байгуулсан байна
- Усны эх үүсвэрийн худгаас 200 метр, ус түгээх цэгээс 20 метрээс багагүй зайд барих
- Ундны усны эх үүсвэрийн хамгаалалтын бүсэд нүхэн жорлон, угаадасны нүх, бохирын цооног байгаа нөхцөлд усыг унд, ахуйд хэрэглэхгүй байх нь чухал.
Ахуйн хүрээнд нүхэн жорлонгийн халдваргүйжүүлэлтийг хийх:
- Нүхэн жорлонг долоо хоногт 2-3 удаа зориулалтын бодисоор халдваргүйжүүлэх шаардлагатай
- Гипохлорит кальция гэдэг бодисоос 500 граммыг таван литр усанд хийгээд тэрийгээ нүх рүү хийх, жорлонгийн шал тавцанг ариутгана.