АНУ-ын цэргийн жазз хөгжмийн хамтлагийн тоглолт энэ ням гарагт болно
2022-06-24 15:25
Монгол Улс болон Америкийн Нэгдсэн Улсын хооронд дипломат харилцаа тогтоосны 35 жилийн ойн хүрээний цуврал арга хэмжээний томоохон хэсэг болох АНУ-ын цэргийн жазз хөгжмийн хамтлагийн тоглолт энэ сарын 26-30-ны хооронд Улаанбаатар болон Дархан хотуудад болох гэж байна.
Уг хамтлаг 11 хүний бүрэлдэхүүнтэй аялах бөгөөд Япон Улсад байрладаг учир Япон дахь АНУ-ын цэргийн жазз хөгжмийн хамтлаг гэдэг байна. Тэдний хувьд Монгол Улсад анх удаа зочилж байгаа бөгөөд Элчин сайдын яамны зүгээс өмнө нь 2009 онд АНУ-ын цэргийн үлээвэр хөгжмийн хамтлаг ирж байжээ.
Тус хамтлагийн тоглолт Улаанбаатар хотод энэ сарын 26-ны ням гарагт болох бөгөөд тоглолтод “Баян Монгол” чуулгын Big Band, дуучин H.Наранбаатар (Наагий), Ц.Хулан нар оролцох юм.