Элсэлтийн Ерөнхий Шалгалт өнөөдөр Улаанбаатарын цагаар 10:00 цагт түүхийн шалгалтаар эхэлнэ.
Мөн энэ өдөр 14:00-15:20 цагт англи хэлний шалгалт болох товтой байна. Шалгуулагчид та бүхэн шалгалтын төвд нэг цагийн өмнө очиж, багадаа 10 минутын өмнө суудлаа эзэлсэн байх шаардлагатайг анхаараарай.
Шалгалтад ирэхдээ:
- Иргэний үнэмлэх эсвэл түүнтэй адилтгах бичиг баримт
- Бүрэн дунд боловсролын гэрчилгээ
- Суудлын хуваарь
- Бүртгэлийн хуудсаа авчрах ёстой юм.
Шалгалтын үеэр Боловсролын Үнэлгээний Төвөөс харандаа, баллуур, үзүүрлэгч тарааж өгөх тул үзэг, гар утас, ноорог цаас зэрэг бусад эд зүйлс авчрахгүй байхыг зөвлөсөн билээ.