Бишкект болж буй “U17” ангиллын Азийн аварга шалгаруулах тэмцээний эрэгтэйчүүдийн 71 кг-ын жинд Баянгол дүүрэг, 73 дугаар сургуулийн тамирчин Баатархүүгийн Ган-Эрдэнэ хүрэл медаль хүртлээ. Тэрбээр өчигдөр тэгшитгэлд Давут Хожатовыг цэвэр, шөвгийн наймд Узбекистаны Жорулло Абдуфаттоховыг 7:4-өөр ялсан ч хагас шигшээд Энэтхэгийн Нарендерт 0:10-аар ялагджээ.
Ийн медалийн төлөөх хариуцлагатай барилдаанд БНСУ-ын Ким Жун Минийг 4:3-аар ялснаар медалийн тавцанд зогслоо.
Харин 65 кг-д хүрэл медалийн төлөө барилдсан М.Толуй Японы Үжин Такизавад 3:8-аар ялагджээ.
