Жүдо бөхийн Улаанбаатарын Их дуулга тэмцээн энэ сарын 24-26-нд Монголд болно. Монгол Улсын Ерөнхийлөгчийн ивээл дор Улаанбаатар хотноо анх удаа зохион байгуулах, “Парис-2024” олимпын наадмын оноо олгох тус тэмцээнд манай улсаас 54 жүдоч эх орныхоо дэвжээнд зодоглоно.
Тэмцээний нэг өдрийн хэсгийн барилдааны тасалбар 30.000, финалын барилдааных 50.000 төгрөгийн үнэтэй.
Гурван өдрийн турш үзэх VIP тасалбарын үнэ нь 1 сая төгрөг. VIP тасалбарт уух зүйлс, хоолны сонголттой рестораны үйлчилгээ, бусад давуу эрхүүдийг багтаан, цөөн тоогоор худалдаалж байгаа юм.
Тэмцээний тасалбарыг Спортын төв ордноос худалдан авах боломжтой.
