Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит “Марш-тусгай бэлтгэлийн цогцолбор 2022” тэмцээнд амжилттай оролцсон алба хаагчдаа нийслэлийн Онцгой байдлын газрын удирдлага хүлээн авч уулзаж, баяр хүргэлээ.
Тэмцээнд тус газраас эрэгтэй 9, эмэгтэй нэг албан хаагч оролцсон бөгөөд ОБЕГ-ын эрэгтэй баг тамирчид мөнгөн медаль, эмэгтэй баг тамирчид анх удаа оролцож 4 дүгээр байр эзэлсэн амжилт үзүүлсэн юм.
Дашрамд сонирхуулахад, ОБЕГ-ын дарга, хошууч генерал Г.Ариунбуянгийн тушаалаар тэмцээнд амжилттай оролцсон эмэгтэй багийн тасгийн захирагч, НОБГ-ын Сүхбаатар дүүргийн Онцгой байдлын хэлтсийн Гамшгийн эрсдэлийн удирдлага үнэлгээ, дотоод ажил хариуцсан мэргэжилтэн, ахлах дэслэгч З.Батцэцэгт ахмад, эрэгтэй багийн салааны захирагч, Завхан аймгийн Онцгой байдлын газрын Гал түймэр унтраах, аврах 39 дүгээр ангийн салааны захирагч, дэслэгч А.Нямбаярт ахлах дэслэгч цол олгосон юм гэж нийслэлийн Онцгой байдлын газраас мэдээллээ.
