Монголын үндэсний олон нийтийн радио, телевизийн Ерөнхий захирал А.Бүрэнбаатар, Монголын олон суваг дамжуулагчдын холбоо ГҮТББ-ын Удирдах зөвлөлийн дарга Ц.Пүрэвням нар өнөөдөр Харилцан ойлголцлын санамж бичигт гарын үсэг зурлаа.
МҮОНРТ соёлын өв болсон контентыг сурталчлах, эдийн засгийн эргэлтэд оруулах, сэргээн засварлах, мэдээллийн технологийн салбарын эрдэмтэн судлаач, инженерүүдийн бүтээлийг олон нийтэд хүргэх зорилгоор Монголын олон суваг дамжуулагчдын холбоотой хамтран ажиллахаар дээрх санамж бичгийг байгуулж байгаа юм. Ийн МҮОНРТ-ийн Алтан сан хөмрөгт буй контентыг эдийн засгийн эргэлтэд оруулж, сэргээн засварлаж олон нийтэд хүргэх, мэдээллийн технологийн шилмэл бүтээлүүдийг цэнхэр дэлгэц, радио долгионоор үзэгч, сонсогчдын хүртээл болгох ажлын эхлэл тавигдлаа.
