Дэлхийн ойн нөөцийн 36 хувь нь анхдагч ойгоос бүрддэг. Гэвч нийт ойн сан жилд 0.6 хувиар багасаж байна.
2000 оноос хойш өнөөг хүртэл анхдагч ойгоос 40 сая га нь аж үйлдвэрийн хөгжлийн шаардлагаар хэрэглэгдэн устсан байна.
Дэлхий дээр өдөрт 130 зүйл устаж байгаа нь ойн устаж үгүй болж байгаатай шууд хамааралтай буюу байгалийн өөрийн хуулиас 1000 дахин илүү хурдтай байна гэсэн үг юм.
Харин манай орны ойн сан 18.3 сая га бөгөөд ой модоор бүрхэгдсэн талбай нь 12.9 сая га буюу нутаг дэвсгэрийн 8 хүрэхгүй хувь эзэлдэг тул ойн нөөцөөр хомс орны тоонд багтдаг гэж БОАЖЯ-наас мэдээллээ.
