Сүхбаатар аймагт өчигдөр (2017.07.28) “Урт гэзэг-бүсгүйн гоёо” нэртэй бүсгүйчүүдийн наадам болжээ. Тус аймаг байгуулагдсаны 75 жилийн ой, Баруун-Урт сум байгуулагдсаны 60 жилийн ойн үеэр энэ сонирхолтой үйл ажиллагааг зохион байгуулсан байна.
Наадамд 110-140 см урт гэзэгтэй бүсгүйчүүд оролцсон бөгөөд дөрвөн үеэрээ ч урт үстэй бүсгүйчүүд байсан гэдгийг наадамд оролцогчид хэлэв. Оролцогчдын хамгийн бага нь дөрөвдүгээр ангийн сурагч , 85 см үстэй н.Энхзаяа гэх охин. Урт гэзэгтэй бүсгүйчүүд нутгийнхаа, Дарьганга хийцийн алт мөнгөн зүүлтээр гоёж, олны нүдийг хужирлаад амжив.
