Хил, гаалийн удирдлагууд хуйвалдаж ”нүүрсний хулгай” хийдэг нь ил болсон ч хэн ч ямар ч хариуцлага хүлээгээгүй. Саяхан Өмнөговь аймгийн Гашуунсухайтын боомтоор хил гаалийн хариуцлагатай албан тушаалтнууд хуйвалдаж, нүүрсний хулгай хийсэн хэрэг дахиад илэрчээ. Үүнийг манай хууль хяналтынхан биш. Харин Гашуунсухайт боомтод шинээр томилогдож очсон удиррдлагууд нь илрүүлэн холбогдох байгууллагуудад шилжүүлээд байна.
Урьдчилсан байдлаар 2000 тн буюу 15 машин хулгайн нүүрс тогтоогдоод байна. Хатуу чанга хөл хорионы үеэр нүүрсний жолооч нар бөмбөлөг үүсгэн тээвэрлэлт хийж буй. Гэтэл 7 машинтай нэг компаний машин хуваарьт захирагдалгүй, 4 хэн хоногийн зайтай өдөрт тав таваараа өөр өөр жолоочтой гарч нүүрс хулгайлжээ. Хулгайгаар гарч байгаа учраас уг нүүрсэнд ямар ч гаалийн бүрдүүлэлт хийхгүй, Ашигт малтмалын нөөц ашигласны төлбөр тэргүүтэй татвар хураамж төлдөггүй байна. Бүртгэл, тооцоо, бүгд нийлж байж хилээр гаргах учраас энэ хэргийн цаана гааль, хил, мэргэжлийн хяналт, магадгүй Хятадын тал бүгд оролцсон байх магадлалтай. Өнгөрсөн хугацаанд Гашуунсухайтын боомтод дарга томилоогүй нилээд удсан.
Энэ хооронд орлогч дарга нь хариуцан ажиллаж байсан бөгөөд орлогчоор нь өмнө нь гаалийн лац ломбоны асуудалд холбогдон дуулиан тарьж байсан Б.Мөнх-Амар гэгч ажиллаж байхад нь энэ хэрэг гарчээ. Нүүрсний хулгайн хэрэгт холбогдуулан Гашуусухайт боомтын орлогч дарга Б.Мөнх-Амар, Зөрчил хариуцсан ахлах байцаагч Эрдэнэбаяр, Ханбогд инженеринг ХХК-ийн захирал, Хилийн цэргийнхэн, гаалийн байцаагч тэргүүтэй 10-аад хүний холбогдуулан шалгаж эхэлжээ. Тэднээс тайлбар авч, хэргийг шалгуулахаар АТГ, Эрүүгийн цагдаагийн газар, проукурор, Сангийн яам зэрэг холбогдох газруудад өгөөд байна.
4 comments
“хулгайлжээ” – хаха энэ сэтгүүлч нар гэж ямар хүмүүс байдаг байнаа. оочир дайрсан асуудал байгаам шиг байна тиймүү? тээвэрлэж явсан нүүрснийх нь гадагшаа зарагдаж байгаа үнэ нь 2 тэрбум юм байна мөнүү? угаасаа саяхан эмх цэгцээ олж байгаа оочир дараалал урд хойноо ганц нэг орох юм байж л байдагшдээ нээх сайхан зохион байгуулчдаг ч юм шиг. эрээний 69н оочир бол бүр хэн машинаа хайрлахгүй чихдэг нь ордог биздээ хаха
гаалийн бүрдүүлэлтгүй нүүрс гаргах гэдэг нь очёр дайрснаас гадна хулгайн хэрэг л дээ
гаалийн бүрдүүлэлтгүй нүүрс гаргах гэдэг нь очёр дайрснаас гадна хулгайн хэрэг л дээ
Гаалийнхан ер нь ингэж л ажил хийдэг. Замын үүд, гашуун сухайт Дорнодын гаалийн байцаагчаар очих гэж алаан болдог гэсэн шүү