“Боловсрол” телевизийн “Яг түүн шиг” шоу нэвтрүүлэг цар тахлын улмаас хоёр жил завсарласны эцэст үзэгчидтэйгээ уулзах гэж байна. “Endemol shine” группийн албан ёсны эрхтэйгээр хүргэдэг энэхүү шоуг тус телевизийн уран бүтээлчид 15 жилийн ойдоо зориулан шинэлэг дүр төрхтэйгээр толилуулахад бэлэн болоод буй юм. Тав дахь жилдээ зохиогдож буй “Яг түүн шиг” шоу оролцогчдоо бүрдүүлж дууссан бөгөөд өнгөрсөн мягмар гарагт үзэгчдэд танилцуулсан. Ням гараг бүрийн үдэш бүр таныг гайхашруулах найман оролцогч дараах уран бүтээлчид байх юм.
- Дуучин, жүжигчин, комедиан С.Зоригт
- Залуу жүжигчин Х.Баярмаа
- “Gangbay” хамтлагийн дуучин С.Баянмөнх /Баянаа/
- “Дижитал” хамтлагийн дуучин Г.Эрдэнэбилэг /Эрка/
- Дуучин Б.Чойжилсүрэн /Чойжоо/
- “Никитон” хамтлагийн дуучин Ч.Мишээл
- ДБЭТ-ын гоцлол дуучин, гавьяат жүжигчин Ө.Уянга
- Гавьяат жүжигчин, поп дива С.Наран
“Яг түүн шиг” шоуны хөтлөгч нарын хувьд хэвээрээ бөгөөд Э.Цолмонбаяр, Б.Болд нар хөтлөн явуулах юм. Шоу “Боловсрол” телевизээр гарахаас гадна тус телевизийн фэйсбүүк хуудсаар шууд хүрэх юм.
2 comments
ugni goy newtrvvlegdee..
bvgdedni am,jilt hvsie