Засгийн газын ээлжит бусаар хуралдаж, үнийн өсөлтийг бууруулах, төсвийг хэмнэх талаар авах арга хэмжээгээ олон нийтэд танилцуулсан билээ. Энэ үеэр Хөдөлмөр, Нийгмийн Хамгааллын сайд А.Ариунзаяа “Өнөөдрийн хуралдаанаар “Хуримтлалтай хүүхэд” бодлогын хэрэгжилтийг түр хойшлуулж, энэ оныг дуустал хүүхдийн мөнгийг бүрэн/100,000/ олгох чиглэл гаргасан” хэмээн мэдэгдэв.
Тэрбээр хэлэхдээ “Хүүхдийн мөнгө он дуустал бүрэн олгох буюу хуримтлалтай хүүхэд бодлогын хэрэгжилтийг түр хойшлуулах, хоёрдугаарт, нийгмийн даатгалын шимтгэл төсөвт болон газрын тос, уул уурхайн компаниас бусад бүх хэлбэрийн байгууллагын шимтгэл төлөгч Монгол Улсын иргэний 50 хувийн шимтгэл төлөлтийн буцаалт. Энэ бодлого нь шимтгэл бууруулах гэхээсээ төсвийн татаас байгаа юм. Угтаа иргэний шимтгэл төлөлт бүрэн дүнгээр бүртгэгдэнэ, харин төр төсвөөс 50 хувийг буцаан нөхөн олгоно.
Мэдээж энэ бол түр зуурын арга хэмжээ бөгөөд төрөөс 270 тэрбум төгрөгийн төсвийн татаас олгоно. Урт хугацаанд шимтгэл бууруулах бус, харин бодит хуримтлал үүсгэе. Тэтгэврийн шимтгэлийн хоёр хувийг энэ жил татаас хэлбэрт оруулж байгаа бол цаашид реформдоо ашиглая” гэв.
2 comments
Уул уурхайн ажилчид хүн биш юм уу битгий ингэж ялгаварлан гадуурхаж ард иргэдийг талцуулж байгаач
Zowoo shvde