ESPN-ээс зарласан 2022 оны ахлах сургуулийн шилдэг 100 тоглогчийн нэгт Ш.Энхийн-Од багтсан билээ. Тэрбээр “Nike” компаниас зохион байгуулдаг “The Nike Hoop Summit” арга хэмжээнд тоглохоор болсон байна. Тус тэмцээнд АНУ-ын шилдэг залуу тоглогч нартай дэлхийн шилдэг сагсчид өрсөлддөг байна. Залуу тоглогчдод өөрийн ур чадварыг харуулах боломж олгодог энэхүү тэмцээнээс төрөн гарсан NBA-ийн домгууд их байдаг.
Энэхүү тэмцээн нь Портланд хотын Мода центрт 4-р сарын 8-нд зохион байгуулагдах юм байна.
NBA-д тоглох мөрөөдөлтэй түүний төдийгүй сагсан бөмбөг сонирхогч, үзэгч залуусын хүсэл биелж монгол хүү дэлхийн сагсан бөмбөгийн ертөнцөд гялалзахад нэг алхам ойртлоо.