Буруу талдаа жолооны хүрдтэй автомашиныг импортлохыг хориглох саналаа Засгийн газрын хуралдаанд хүргүүлэх талаар Нийслэлийн Засаг дарга Д.Сумъяабазар өмнө нь мэдээлж байсан. Уг шийдвэр ирэх наймдугаар сараас эсвэл 2023 оноос хэрэгжиж магадгүй аж.
Энэ тухай тэрбээр өөрийн албан ёсны цахим хуудсандаа “Анхнаасаа зөв тооцоогүй төлөвлөлт өнөөдөр нийслэлийн зам харилцаа, зорчих урсгалыг хавханд оруулчихлаа. Гурав, дөрвөн том хавханд нийслэлчүүд бид байна. Өнөөдөр нийслэлд бүртгэлтэй байгаа 650 мянган машин бүгдээрээ хотын хөдөлгөөнд орвол нийслэлийн зам шууд зогсоно. Тэг зогсолт болно. Тэгэхээр шийдэмгий, хатуу шийдвэрүүд гаргах цаг болсон.
Нэгдүгээрт, импортоор орж ирж байгаа насжилт өндөртэй, он хуучин, цаад газраа аваар осолд орсон, буруу рультэй зэрэг тээврийн хэрэгслүүдэд импортын хязгаарлалт тогтооно. Цаад газраа төмрийн хог руу ачигдахад бэлэн болсон автомашинуудыг манайхан засаж, янзлаад эх орондоо зарж байгаа. Үүнийг хориглоно. Импортоор орж ирж байгаа буруу рультэй тээврийн хэрэгслийг 2022 оны наймдугаар сараас уу, 2023 оны нэгдүгээр сараас хориглох уу, энэ хооронд шийдвэр гарна. Хамгийн түрүүнд авах ёстой арга хэмжээ энэ.
Гэхдээ одоо ороод ирчихсэн машинуудад хугацаа өгнө. 2025 он хүртэл үү, 2026 он хүртэл гэдэг ч юм уу. Харин хөдөө орон нутагт бол хязгаар хориг байхгүй, явж байгаад тэгээд дуусах биз.
Зөвхөн нийслэлд нэг жилд 80 мянган тээврийн хэрэгсэл нэмэгдэж байна. Тэдгээрийн дийлэнх нь стандартын шаардлага хангахгүй, эвдэрхий, өмнө нь аваар осолд орж байсан, үйлдвэрлэгдэхээ больсон автомашинууд байгааг хүмүүс мэддэг, судалгаагаар ч тогтоогдсон” хэмээн бичсэн байна.
2 comments
Үнэхээр дургүй хүрмээр юмаа! Монголд приус шиг хэрэгтэй унаа хаана байна. Ядуу, бензин нь үнэтэй,нийтийн тээвэр муутай, утаатай, өвөл хүйтэн манайх шиг газар бензин бага иднэ, утаа бага ялгаруулдаг эко, хүйтэнд хөлдөхгүй,хүүхэд хөгшидөө зөөж ажил амьдарлаа залгуулах гэж л унаж байгаа ш дээ. Хөгийн новшнууд өөрсдийнхөө шахааны бизнесийг хийх гэж шалтаглаж байгаа юм. Түгжрэл рульний буруу зөв түй ч хамаагүйг бүгд мэднэ. Бид нарыг маллуулаад суудаг малнууд л гэж бодоод харьцаад байна. Жоохон удирдах авъяас чадвар мэдлэг боловсролтой хүнээр хотын дарга хийлгэмээр байна шүү!
Хотын хонхорт шаваад байхаар аргагүй ш дээ. Том газар нутгийнхаа хэргийг гаргаад бүсчилсэн хөгжлийн бодлого явуулаач! Байг гэхэд Дархан Эрдэнэт 2-оо тэлээд хүн амьдарч болох нөхцөл бүрдүүлээд өгөөч! Ядахнаа тэр их идэж ууж зувчуулж байгаа мөнгөөрөө нийтийн тээврээ шинэчлээд, зам харилцаагаа нэмээд зассан бол!