Хөрөнгийн биржид 85 хувьцаат компани өмнөх оны жилийн эцсийн тайлангаа өгөөгүй байна
Монголын хөрөнгийн биржид бүртгэлтэй хувьцаат компани жилийн эцсийн санхүүгийн тайланг энэ сарын 10-ны Монголын хөрөнгийн биржид хүргүүлэх шаардлагатай. Тайлан хүлээн авах хугацааг энэ сарын 15-ны өдрийг хүртэл сунгажээ.
Энэ хугацаанд нийт бүртгэлтэй 179 хувьцаат компаниас 91 компани олон нийтэд нээлттэй, ил тод байх компанийн засаглалын сайн жишгийг хангаж, МХБ-д санхүүгийн тайлангаа ирүүлсэн байна. 85 компани хуулийн хугацаандаа илгээгээгүй.
Хуульд заасан хугацаанд жилийн эцсийн санхүүгийн тайлангаа ирүүлээгүй нэр бүхий хувьцаат компаниуд энэ сарын 25-ны дотор зөрчлийг арилгахгүй бол МХБ-ийн холбогдох журмууд, “Бүртгэлийн гэрээ”-нд заасны дагуу хариуцлагын арга хэмжээг ногдуулахыг анхааруулжээ.
Санхүүгийн тайлангаа хугацаандаа ирүүлээгүй компаниудын нэрсийн жагсаалтыг эндээс харна уу.