Монголын шатрын холбоо үүсэж хөгжсөний 88 жилийн ойг тохиолдуулан шатрын спортыг орон нутагт түгээн дэлгэрүүлэх, ахмад үеийн шатарчдаа дэмжиж сурталчлах зорилгоор ахмад шатарчдын 2022 оны улсын аварга шалгаруулах тэмцээнийг зохион байгуулах гэж байна. Монгол Улсын гавьяат дасгалжуулагч Ж.Лхагвын нэрэмжит болон зохиогдож буй тус тэмцээн Дундговь аймагт дөрөвдүгээр сарын 20-24-ний өдрүүдэд болно. Тэмцээн нээлттэй 50-65 нас, 65-аас дээш нас, эмэгтэй 50-65 нас ангиллаар болох юм. Ахмад шатарчдын УАШТ анх удаа орон нутагт болж буй бөгөөд тус тэмцээнийг Монголын шатрын холбоо, Дундговь аймгийн “Уран өрөг” шатрын холбоо хамтран зохион байгуулж буй юм.
