“Буян үйлдэгч” хэмээх усан бар жилийн шинийн 8-н буюу өнөөдөр Сүхбаатар аймгийн Дарьганга сумын нутаг дахь Шилийн богд ууланд 500 тээврийн хэрэгсэл, 2,000 орчим иргэн очжээ.
Иргэд олноор нэг дор цугласан байгаа тул Сүхбаатар аймаг дахь Цагдаагийн газрын алба хаагчид зам тээврийн осол, хэрэг, зөрчлөөс урьдчилан сэргийлэх зорилгоор анхааруулга, санамжийг өгч, хяналт тавьж ажиллаж байна хэмээн мэдээллээ.
Орон нутаг болон нийслэл хот руу зорчих иргэд, жолооч нар гарч болзошгүй эрсдэлээс урьдчилан сэргийлж тээврийн хэрэгслийн техникийн бүрэн байдлыг хангах, хамгаалах бүс, хүүхдийн суудлыг хэрэглэх, хүн тээвэрлэх журмыг мөрдөх, гүйцэх, гүйцэж түрүүлэх үйлдлийг анхаарал болгоомжтой хийх, шөнийн буюу үзэгдэлт хангалтгүй үед гэрэл шилжүүлэх, архи согтууруулах ундааны зүйл хэрэглэсэн үедээ тээврийн хэрэгсэл жолоодохгүй байхыг анхааруулж байна.
1 comment
Шал худлаа хоосон сүсэг хоосон шүтлэг байгаль орчин бохирдуулж заваарахаа болиочээ