УИХ-ын чуулганаар 2021 оны Мал, тэжээвэр амьтад, хашаа худгийн тооллогын урьдчилсан дүнгийн талаарх ҮСХ-ны мэдээллийг танилцууллаа. Энэ үеэр малын тоо толгой биш, чанар чухал болсон энэ үед Мянгат малчнаа шалгаруулсаар байх эсэх талаар УИХ-ын гишүүн Н.Наранбаатарын асуултад ХХААХҮЯ-ны Бодлого төлөвлөлтийн газрын дарга Ц.Болорчулуун хариулахдаа уг шагналын тоог 100-аар хязгаарласныг хэлэв.
Засгийн газрын өчигдрийн буюу арванхоёрдугаар сарын 5-ны өдрийн ээлжит хуралдаанаар Улсын аварга малчин өрх, улсын хошой аварга малчин өрх шалгаруулах, Улсын аварга фермер шалгаруулах, Улсын аварга саальчин шалгаруулах зэрэг долоон журмыг шинэчилсэн байна.
Энэ хүрээнд 2022 онд
- Аварга малчны тоог 100
- Хошой аварга малчин 8
- Аварга саальчин 6
- Фермер 6
- Тариаланч 21
- Тариаланч хамт олон 12 байхаар тооны хязгаар тогтоосон
ба Цагаан сарын өмнө буюу нэгдүгээр сарын 25-н гэхэд шалгаруулж орон даяар зарлана гэдгийг Ц.Болорчулуун танилцууллаа.
