Энэтхэгийн эрх баригчид шинэ жилийн баяраар томоохон компаниудын олныг цуглуулсан арга хэмжээнд очихгүй байхыг оршин суугчдад сануулсан байна. Коронавирусын өвчлөлийг нэмэгдүүлэхгүйн тулд ийм аргаар ковидийн хязгаарлалтыг чангатгасан хэмээн The Guardian сонин мэдээлжээ.
COVID-19 халдварын дэгдэлтийг хязгаарлах үүднээс Дели хотод сургуулиудыг хааж, йогийг зөвхөн гудамжинд хийхийг зөвшөөрсөн байна. Мөн томоохон хотуудад шөнийн хөл хорио тогтоогоод байгаа бөгөөд ресторанууд зочдын тоог хянах үүрэг хүлээжээ.
Тухайлбал, Мумбай хотод нэгдүгээр сарын 7-ныг хүртэл таваас дээш хүнтэй нэг дор цугларахыг хориглосон байна. Гэсэн хэдий ч Энэтхэгийн Ерөнхий сайд Нарендра Моди, Дотоод хэргийн сайд Амит Шах нар хязгаарлалтыг үл харгалзан өмнө нь тус улсын хойд мужуудад олон мянган иргэний өмнө нэгэн зэрэг үг хэлснийг АР сануулаад авчээ.
Өнгөрсөн долоо хоногт “Омикрон” коронавирусын халдварын тоо нэмэгдэж байгаатай холбогдуулан Энэтхэгийн шүүх Модигийн Засгийн газарт улс төрийн жагсаал, сонгуулийн кампанит ажил явуулахгүй байхыг уриалсан байна.
Өнгөрсөн 24 цагийн хугацаанд Энэтхэгт COVID-19 коронавирусын халдварын 13.1 мянга орчим тохиолдол бүртгэгдсэн бөгөөд энэ нь өмнөх өдрийнхөөс 43 хувиар ихэсчээ. Энэтхэгт тахлын нийт хугацаанд коронавирусын халдварын 34.8 сая гаруй тохиолдол бүртгэгдэж, өвчний улмаас 481 мянга орчим хүн нас бараад байгаа юм.
