УИХ-ын гишүүн С. Бямбацогт Ховд аймгийн Жаргалант сумын Өрхийн эрүүл мэндийн төвүүд болон Булган сумын Өрхийн эрүүл мэндийн төвд бүрэн тоноглосон эмнэлгийн автомашин хүлээлгэн өглөө.
Тэрбээр “Өрхийн эмнэлгийнхэн маань цөөхүүлээ ч хамгийн олон хүнд эрүүл мэндийн тусламж үйлчилгээ үзүүлж, Ковид-19 цар тахлын халдварыг хумих, вакцинжуулахад гол ачааллыг үүрч ажилласан. 2011 онд хүлээлгэн өгсөн приус машинууд хуучран, хувийн унаагаараа иргэдэд тусламж үзүүлэхэд хүрээд байсан бол ийнхүү зориулалтын шинэхэн унаатай боллоо” гэлээ.
