ЭМЯ: Ковидын 310 тохиолдол бүртгэгдэж, 3 хүн энджээ
ЭМЯ сүүлийн 24 цагт дотоодод 310 хүнээс Covid-19 халдвар илэрсний 3 нь гадаадаас зөөвөрлөгдөж ирсэн бөгөөд коронавируст халдварын улмаас архаг, хууч өвчтэй 3 хүн эндсэн гэж мэдээлэв. Ингэснээр коронавирусын халдвараар нас барсан тохиолдол улсын хэмжээнд 1950-д хүрсэн байна.
Шинээр илэрсэн тохиолдлын 196 нь нийслэлд, 111 нь орон нутагт бүртгэгджээ. Улсын хэмжээнд 4046 иргэн эмнэлэгт, хөнгөн хэлбэрийн оноштой 7635 хүн Өрхийн эмчийн хяналт дор гэрээр эмчлүүлж байна.
