Дэлхийд

Москва Вашингтонд сүүлийн жилүүдэд тавьсан бүх хориг арга хэмжээгээ цуцлах саналыг тавьжээ

Орос АНУ-д сүүлийн жилүүдэд улс орнууд хоёр талд тавьсан бүх хязгаарлалтыг цуцлахыг санал болгожээ. Энэ талаар ОХУ-ын Гадаад хэргийн дэд сайд Сергей Рябков, АНУ-ын Төрийн нарийн бичгийн даргын орлогч Виктория Нуланд нарын уулзалтын дараа ОХУ-ын ГХЯ мэдэгдэв.

Москва Оросын эсрэг дайсагнасан үйлдлүүдэд хариу өгөхгүй хэвээр байх болно гэдгийг онцлон тэмдэглэсэн боловч цаашид асуудлыг даамжруулахгүй байж, сүүлийн хэдэн жилийн хугацаанд хоёр талаас тавьсан бүх хязгаарлалтыг арилгахыг санал болгосон” гэж яамны мэдэгдэлд дурджээ.

Яриа хэлэлцээний явцад талууд улс хоорондын харилцааны байдал, хөгжлийн хэтийн төлөвийн талаар ярилцаж, бие биенийхээ нутаг дэвсгэр дээрх ОХУ, АНУ-ын гадаад төлөөлөгчийн газрын үйл ажиллагаанд онцгой анхаарал хандуулж байгааг мөн хэлэлцжээ.

Түүнчлэн Москва, Вашингтоны хоорондын харилцаанд тэгш байдлыг хангах зарчмыг баримтлан, бие биенийхээ ашиг сонирхлыг харилцан харгалзан, хүндэтгэн үзэх ёстой гэдгийг Оросын Гадаад хэргийн яам онцолжээ.

Уулзалтын дараа Рябков хоёр талын яриа хэлэлцээр туйлын илэн далангүй өрнөсөн хэмээн мэдэгдсэн ч харилцаагаа хэвийн болгох тал дээр ямар нэгэн дэвшил гарсангүй. АНУ Оросын шаардлагыг талаар хараахан байр сууриа илэрхийлээгүй байгааг Оросын дипломатч тэмдэглэв.

 АНУ-ын Төрийн нарийн бичгийн даргын орлогч Виктория Нуланд энэ сарын 11-нд Москвад албан ёсны айлчлалаар ирээд байгаа бөгөөд 13-ны Пүрэв гариг хүртэл ОХУ-д байх юм. АНУ-ын Төрийн департаментын хэвлэлийн албанаас мэдээлснээр, Нуланд тус улсын өндөр албан тушаалтнуудтай уулзаж, хоёр талын, бүс нутгийн болон олон улсын олон асуудлаар ярилцах юм.

Эх сурвалж: ГАЗЕТА

ХОЛБООТОЙ МЭДЭЭ

Back to top button
Close