Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
УИХ-ын дарга Г.Занданшатар тэрбум мод тарьж, ургуулах бүх нийтийн хөдөлгөөнд нэгдэв – updown.mn

УИХ-ын дарга Г.Занданшатар тэрбум мод тарьж, ургуулах бүх нийтийн хөдөлгөөнд нэгдэв

Чингэлтэй дүүргийн 19 дүгээр хорооны нутаг дэвсгэрт оршдог “Хайрхан” хөгжлийн төв орчим 10 мянган мод тарих ажлыг эхлүүллээ.

Монгол Улсын Ерөхийлөгчийн санаачилсан тэрбум мод тарих уриалгад тус дүүргийнхэн ийнхүү нэгдэв. Нээлтийн ажиллагаанд Монгол Улсын Их Хурлын дарга Г.Занданшатар, УИХ-ын гишүүн Ж.Сүхбаатар, Чингэлтэй дүүргийн удирдлагууд болон тус дүүрэгт үйл ажиллагаа явуулдаг төрийн болон төрийн бус өмчийн сургууль, цэцэрлэгийн багш, ажилчид оролцлоо.

УИХ-ын дарга Г.Занданшатар Мод тарих хөдөлгөөнд хүн бүрийг идэвхтэй оролцохыг уриалаад “Дэлхий дээр өдөр бүр олон сая модыг огтолж байдаг. Тэр хэмжээгээр бид нөхөн тарьж, ургуулж байх хэрэгтэй. Дэлхий нийтийг хамарсан цөлжилт, цаг агаарын өөрчлөлт нь хүний амьдралд хэрхэн нөлөөлж буйг хүн бүр мэдэрч, харж байна. Тийм учраас байгалиа хамгаалах, хайрлах нь мод тарихаас эхэлнэ” хэмээн хэлсэн үгэндээ онцлов.

УИХ-ын гишүүн Ж.Сүхбаатар, “Монгол Улсын Ерөнхийлөгчийн нэг тэрбум мод тарих том зорилт дэвшүүлсэн нь нэг удаагийн кампанит ажил биш урт хугацааны турш хийх ногоон хөгжлийн төлөөх ажлын эхлэл. Модоо тариад орхилгүй, ургуулахад бүгд анхаарах ёстой. Дэлхий даяарх уур амьсгалын өөрчлөлтийн талаар ярьж байгаа энэ цагт бид байгаль орчныхоо төлөө зайлшгүй хийх ёстой ажил нь мод тарих юм. Иймээс хүн бүр хувь нэмрээ оруулах ёстой. Цаашид олон жил тогтвортой тарьж, ургуулна” хэмээв.

Мод тарих үндэсний хөдөлгөөнийг өрнүүлснээр дэлхийн уур амьсгалын өөрчлөлтийн нөлөөг бууруулах, ой, усны нөөцийг хамгаалж, нэмэгдүүлэх, экологийн тэнцвэрт байдлыг хангахад чухал ач холбогдолтой юм хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв. 

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн