Нийслэлд зөвшөөрөлгүй баригдсан тоосгон гараашуудыг буулгаж, тохижуулж байгаа. Энэ удаад Нийслэлийн Газар зохион байгуулалтын албанаас Сонгинохайрхан дүүргийн 23 дугаар хорооны нутаг дэвсгэр дэх 34 дүгээр байрны хажууд байрлах төмөр бетон болон тоосгон 15 гараашийг өнөөдөр буулгалаа.
Тухайн чөлөөлсөн газарт авто замын түгжрэлийг бууруулах зорилгоор хоёр талаараа явган хүний зорчих хэсэг бүхий хоёр эгнээ зам барьж өргөсгөхөөр төлөвлөжээ. Мөн тухайн орчимд шинээр гүүр тавих юм байна.
