2021-2022 оны Хичээлийн жилд нэгдүгээр ангид элсэн орж байгаа хүүхдүүдийн бүртгэл өнөөдрөөс эхэлж, 25-ны өдрийг дуустал явагдана. Хүүхдүүдийн эцэг эх, асран хамгаалагчид 1-р ангид элсэх хүүхдийнхээ урьдчилсан хуваарилалтыг www.parent.edu.mn хаягаар нэвтэрч баталгаажуулах юм.
Мөн өнөөдрөөс цэцэрлэгийн цахим бүртгэл эхэлж, наймдугаар сарын 25-ныг дуустал үргэлжилнэ. Нэгдүгээр ангид элсэх сурагчдын бүртгэлийг www.parent.edu.mn цахим хуудаст хандан хийх бөгөөд хүүхдээ бүртгэл хийлгэж баталгаажуулсанаар хүүхдийн анги, бүлэгт хуваарилалтууд хийгдэнэ.
Бүртгэл наймдугаар сарын 25-нд дууссаны дараа 26-30-ны өдрүүдэд эцэг эхчүүдийн гар утсанд 1-р ангид элсэж буй хүүхэд нь аль сургуулийн, аль бүлэгт, хэн багшийн ангид хуваарилагдсан талаарх мэдээлэл очих юм байна.
Мөн энэхүү вэб сайт руу байнга хандсанаар:
-Хүүхдийн өдөр тутмын хичээлийн ирц, үнэлгээний мэдээллийг цаг тухай бүрт хүлээн авах,
-Хүүхдийн хичээлийн хуваарь болон судалж буй хичээл тус бүрийнгэрийн даалгаврын мэдээллийг хүлээн авах,
-Сургууль болон багшийн зүгээс зохион байгуулж буй олон нийтийн ажлын талаар мэдээлэл түргэн шуурхай, тогтмол хүлээн авах,
-Эцэг, эх багш хоорондын мэдээлэл солилцох боломж нээгдэх юм.
