Франц хилээр нэвтэрч байгаа вакцинд хамрагдаагүй гадны иргэдээс шинжилгээний хариу шаардана
Францын Ерөнхий сайдын Ажлын алба Их Британи, Испани, Португал, Кипр, Нидерланд, Грекийн иргэд ням гаргаас эхлэн хилээр нэвтрэхдээ 24 цагийн дотор өгсөн “PCR” шинжилгээний хариу эсвэл антиген шинжилгээний хариу үзүүлэх шаардлагатай гэж мэдэгджээ.
Мэдэгдэлд коронавирусын “Дельта” хувилбар олон улсын хэмжээнд динамик хэлбэрээр нэмэгдэж байгаа учраас Засгийн газар хилээр нэвтрэх иргэдэд хяналт тавих ёстой гэж үзсэн тухай дурджээ.
Мөн вакцинууд вирусний эсрэг, тэр дундаа “Дельта” хувилбарын эсрэг ч үр дүнгээ өгч байгаа учраас вакцинд хамрагдсан аялагчдад тавих хязгаарлалтыг цуцална гэсэн байна. Энэхүү шийдвэр нь улаан, улбар шар, ногоон ангилалд багтаж буй орнуудын иргэд ч хамааралтай юм байна.