Хойд Солонгос өнөө өглөө 11 дэх пуужингаа харваж тив хоорондын анхны баллистикийг амжилттай туршсан талаар тус улсын хэвлэл онцолжээ.
Хвасон-14 нэртэй энэ пуужин нь 39 минутын хугацаанд нисэж, 2,802 километрийн өндөрт хүрээд Японы тэнгисийн усанд унасан талаар гадны хэвлэлд бичсэн байна.
Хэрвээ энэ пуужин нь үнэхээр тив хоорондын баллистик пуужин мөн бол Хойд Солонгос зэвсгийн технологидоо том дэвшил гаргаж, АНУ-ын газар нутгийн хаана нь ч цохилт өгөх чадвартай болсон гэсэн үг аж.
Шинжээчдийн үзэж буйгаар тэдний энэ амжилтыг хамгийн багаар тооцоход Аляскад хүрэх чадвартай пуужинтай болсон гэж дүгнэсэн байна.
