АНУ лалын шашинт хүн амтай зургаан орны иргэдэд виз олгох шинэ шалгуураа гаргасан тухай Төрийн департаментын мэдээллээс эш татан “Associated Press” агентлаг мэдээллээ. Эдгээр орны иргэд, дүрвэгсдэд АНУ-д ажил хэргийн болон гэр бүлийн нягт харилцаатай хүмүүс байгаа нөхцөлд л виз олгох юм байна. Виз хүсэгчид АНУ-д эхнэр, нөхөр, эцэг эх, хүүхдүүд болон ойрын хамаатнуудаа амьдардаг гэсэн нотолгоо үзүүлэх ёстой аж.
