Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ЭМЯ-ны хэвлэлийн ажилтан Б.Ууганбаяр танилцууллаа.
Тавдугаар сарын 09-ны 11:00 цагт мэдээлэл хийснээс хойш сүүлийн 24 цагт нийт 10 гаруй мянган хүнээс лабораторид шинжилгээ хийсэн байна. Үүнээс 639 тохиолдол шинээр бүртгэгдлээ. Монгол Улсын нийт батлагдсан тохиолдол 45,459 боллоо.
Шинээр илэрсэн тохиолдлыг танилцуулбал,
Батлагдсан тохиолдлын нь 593 Улаанбаатар хотод бүртгэгдсэн байна. Орон нутагт нийт 37 тохиолдол батлагдлаа. Эмнэлгээс шалтгаалсан ес халдвар тус тус бүртгэгдсэн байна.
Сүүлийн 24 цагт найман хүн нас барсан байна. Нас барсан иргэд эмнэлэгт хэвтэн эмчлүүлж байсан.
- 71 настай
- 78 настай эрэгтэй
- 71 настай эмэгтэй
- 81 настай эрэгтэй
- 59 настай эрэгтэй
- 49 настай эрэгтэй
- 89 эмэгтэй
- 73 настай эрэгтэй халдварын нэн хүнд оноштойгоор нас баржээ.
Нийтдээ 170 хүн коронавирусийн халдвараар нас бараад байна. Нас барсан хүмүүсийн ар гэр, төрөл төрөгсдөд гүн эмгэнэл илэрхийлье.
Нийтдээ 4,800 хүн эмчлэгдэж байна.
Биеийн байдлыг үнэлбэл:
- Маш хүнд 110
- Хүнд 506
- Хүндэвтэр 1,542
- Хөнгөн 2,642 хүн байна.
Сүүлийн 24 цагт нийт 1,287 хүн эдгэрч, нийт эдгэрсэн хүний тоо 32,660 боллоо.
Хөнгөн хэлбэрээр өвчлөн гэртээ тусгаарлагдаж, өрхийн эрүүл мэндийн төвөөс хяналт тавьж байгаа 5944 хүн байна. Нийтдээ 1,864 хүнийг гэрт нь үлдээх үү эсвэл эмнэлэгт хэвтүүлэх үү гэсэн тандалтыг хийж байгаа.
Дотоодын халдварыг танилцуулбал: Хоёр дахь дэгдэлт
Хөдөө орон нутагт сүүлийн 24 цагт 37 тохиолдол шинээр бүртгэгдсэн ба нийт халдварын тоо 4,853 боллоо. Ингэснээр Монгол улсын 21 аймгийн 20-н аймагт нь халдвар бүртгэгдээд байна.
Л.Баяр
