Өчигдөр (2017.06.26) МИАТ компанийн Бээжин -Улаанбаатар чиглэлийн ОМ 224 нисэх онгоцонд зорчиж явсан нэг иргэний бие муудаж хүнд байдалд оржээ.
Тухайн үед зорчиж явсан эмч нар болох АШУИС-ийн дүрс оношлогооны тэнхимийн эрхлэгч н.Эрдэнэбилэг, Улсын Хоёрдугаар Төв Эмнэлгийн мэс заслын эмч н.Онон, н.Ган-Эрдэнэ нар өвчтөнд мэргэжлийн тусламж үзүүлж амь насыг нь аварсан байна.
Онгоц Улаанбаатар хотод аюулгүй газардаж, бие нь муудсан зорчигчийг эмнэлэгт хүргэсэн аж. МИАТ-ын хамт олон түргэн тусламж үзүүлж эрдэнэт хүний амь аварсан эмч нартаа чин сэтгэлийн талархал дамжуулжээ.
