Улсын онцгой комиссын даргын 3-р сарын 26-ны өдрийн тушаалаар Шуурхай зохицуулалтын ажлын хэсэг байгуулагдаж, зах, худалдааны төв хариуцсан бүлгийн даргаар ХХААХҮ-ийн сайд З.Мэндсайхан томилогдсон.
Худалдааны салбарын борлуулалтын орлогын 2020 оны эхний 11 сард 37 хувь нь бөөний худалдаа, 63 хувь нь жижиглэн худалдааны салбарт ногдож байна.
Ажлын хэсгийг ахалж, ажлын хэсгийн МХЕГ болон ЦЕГ-ын бүрэлдэхүүний хамт өнөөдөр Хархорин, Сандэй 2 худалдааны төв болон Саруул маркетад тус тус ажиллаж, худалдаа эрхлэгчид болон иргэд халдвар хамгааллын дэглэмээ хэрхэн баримталж байгаатай танилцлаа.
Худалдааны салбарын борлуулалтын орлогын 2020 оны эхний 11 сард 37 хувь нь бөөний худалдаа, 63 хувь нь жижиглэн худалдааны салбарт ногдож байна. Хархорин худалдааны төв 1200, Сандэй-2 худалдааны төв 850 орчим түрээслэгч, Саруул зах 130 түрээслэгчтэйгээр үйл ажиллагаа явуулж өдөрт дунджаар нийт 3500 орчим иргэн үйлчлүүлдэг байна.
Нарантуул олон улсын төвд 8000 орчим түрээслэгчид худалдаа, үйлчилгээ эрхлэн иргэдэд үйлчилж байгаагаас задгай талбайд худалдаа эрхлэгч 4700 орчим иргэн вакцинжуулалтанд хамрагдах хүсэлтээ ирүүлсэн байна.
ХХААХҮ-ийн сайдын З.Мэндсайхан задгай талбайнхудалдаа эрхлэгчдийг хамгийн өндөр эрсдэлтэй нөхцөлд ажиллаж байгаа гэж үзэн вакцинжуулах хүсэлтийг холбогдох газруудад уламжилж, нэн даруйбуюу 3 дугаар сарын 30-ны өдөр бүрэн вакцинжуулахажлыг зохион байгуулахаар шийдвэрлүүллээ.
Нийслэл Улаанбаатар хотын хувьд хамгийн олон иргэд үйлчилдэг эдгээр худалдааны төвүүдэд худалдаа үйлчилгээ эрхлэгчид болон үйлчлүүлж буй иргэд өндөр эрсдэлтэй учир иргэдийнхээ эрүүл мэнд, аюулгүй байдал, халдвар хамгааллын дэглэмийн сахих нь хамгийн чухал юм.
Ковидын нөхцөл байдал хүндэрч, өдрөөс өдөрт цар тахлын халдвар нэмэгдсээр байгаа энэ үед Монгол улсын Засгийн газар, Улсын онцгой комиссыг төлөөлөн “Хөл хорио тогтоохгүй байж, иргэдийнхээ эрүүл мэндийг хамгаалахад худалдааны салбарынхан болон худалдаа үйлчилгээ эрхлэгч иргэддээ халдвар хамгааллын дэглэмээ сахиж болзошгүй эрсдэлээс хамтдаа урьдчилан сэргийлэх”-ийг уриаллаа.
Эх сурвалж: ХХААХҮЯ
