Засгийн газрын ээлжит хуралдаан 2021 оны 03 дугаар сарын 24-ний өдөр боллоо.
Улсын хэмжээнд 233 орчим мянган иргэнийг дархлаажуулалтад хамруулаад байна. Зургаан эмнэлгийг 1,440 ороор өргөтгөж, Уламжлалт анагаах ухааны зургаан эмнэлгийн 400, есөн тусгаарлах байранд 620 орыг нөөцөд авчээ.
Тусгай үүргийн нислэгээр ирэх иргэдийг тусгаарлахаар:
- 11 зочид буудалд 932 ор бэлтгэж
- Дотоод хэргийн их сургуулийн оюутны дотуур байранд 300
- Батлан хамгаалах их сургуулийн сонсогчдын байранд 200
- Яармаг дахь спортын ордонд 400
- Бөхийн өргөөнд 100 ор дэлгэхээр бэлдэж байна гэж Засгийн газрын Хэвлэл мэдээлэлтэй харилцах газраас мэдээллээ.
