Энэ сарын 30-нд Сөүл-Улаанбаатар чиглэлд “Корэйн Эйр” компани нэмэлт нислэг үйлдэнэ
БНСУ-аас нутаг буцах хүсэлтэй иргэдийн тоог харгалзан 2021 оны 3 дугаар сарын 30-ны өдөр Сөүл-УБ чиглэлд “Корэйн Эйр” компаниар нэмэлт нислэг үйлдүүлэхээр шийдвэрлэлээ.
Уг нислэгээр 150 орчим монгол иргэнийг тээвэрлэх боломжтой бөгөөд уг нислэгээр ирэх иргэдийн бүртгэлийг Монгол Улсаас БНСУ-д суугаа ЭСЯ, УОК-ын Шуурхай штаб болон ГХЯ хийхгүй.
Иймд дээрх нислэгт хамрагдах хүсэлтэй иргэд 2021 оны 03 дугаар сарын 17-ны өдрөөс эхлэн Улаанбаатар дахь “Корэйн Эйр” компанийн төлөөлөгчийн газрын 317100 утсаар эсвэл Солонгос дахь 02-2188-4677 дугаарын утас болон email: imy@verygoodtour.com цахим шуудангаар шууд хандан мэдээлэл авах, тийзээ захиалах боломжтой.
Гадаад харилцааны яам