2021 оны хоёрдугаар сарын 11-ний өдрөөс 2021 оны хоёрдугаар сарын 23-ны өдрийн 06:00 цаг хүртэл Бүх нийтийн өндөржүүлсэн бэлэн байдлын зэрэг тогтоож “Нэг Хаалга-Нэг шинжилгээ”-г зохион байгуулж байгаа.
Дээрх зохицуулалттай холбоотойгоор хоёрдугаар сарын 8-наас хойш “Нэг хаалга-Нэг шинжилгээ”-ний хүрээнд “Ковид-19” халдварыг илрүүлэх PCR шинжилгээнд хамрагдсан зайлшгүй ажиллах 14 салбарын ажилтан албан хаагчдыг нийслэл хот дотор ажил, гэр хооронд шинжилгээний бичиг, ажлын тодорхойлт, ажлын үнэмлэхээ үзүүлэн зөвхөн ажил гэрийн хооронд хөдөлгөөнд оролцохыг зөвшөөрч байгаа.
Харьяа орон нутгийн эмчийн хяналтад шилжүүлэх 13Б хуудас, оршуулгын ажил, хүнс, малын тэжээл, эм эмнэлгийн хэрэгсэл ханган нийлүүлэх зорилгоор зайлшгүй хөдөлгөөнд оролцох шаардлагатай иргэдийг Эрүүл мэндийн сайдын А/29 тушаалын дагуу 72 цагийн дотор өгсөн PCR шинжилгээг үндэслэн хотоос гарах хөдөлгөөнийг зөвшөөрнө.
Эрүүл мэндийн яам
