Цагдаагийн ерөнхий газрын 102 дугаарт өчигдөр /2021.02.16/ 1193 гомдол мэдээлэл бүртгэгджээ. Үүнээс 1105 нь зөрчлийн шинжтэй байна. Өнгөрсөн хоногт гэр бүлийн хүчирхийллийн шинжтэй 133 дуудлага бүртгэгдсэн бол эрүүлжүүлэх байрт 219 хүн саатуулагджээ. Мөн согтуугаар тээврийн хэрэгсэл жолоодсон 49 жолоочийг илрүүлсэн байна.
Нийслэлийнхэн 12 хоногийн хатуу хөл хорионы дэглэмд шилжсэн ч эрүүлжүүлэх байрны ачаалал ердийн үеийнхтэй адил байгаа юм. Тодруулбал, хоногт дунджаар 200-240 хүн эрүүлжүүлэх байранд саатуулагдаж байгаа бол гэр бүлийн хүчирхийллийн дуудлага мөн адил буурахгүй байна.
Цагдаагийн ерөнхий газар
