Неапольд орон нутгийн мафи нь түргэн тусламжийн жолооч нарыг дохиогоо хангинуулсны төлөө сүрдүүлж эхэлжээ. Хэргийн гол учир нь түргэний тэрэгний дуу хар тамхины худалдаачдын үйлчлүүлэгчдийг айлгадаг гэнэ. Тэд түргэний машины дууг цагдаагийн машиных гэж андуурч, сандралддаг болохоор дохио хангинуулахыг хоригложээ.
Долоо хоногийн өмнө түргэний нэг жолооч хар тамхины мафийн сүрдүүлгээс болоод цагдаа дуудахад хүрсэн байна.
Мафиудын хийсэн үйлдлээс болоод өвчтөнүүдийн төрөл төрөгсөд түргэний машинуудыг дохио дуугаргалгүй оройтож ирж байна гээд жолооч нар луу бас халддаг болжээ. Статистикаас үзэхэд 2018-2020 оны хооронд Неапольд эмч нар луу дайрч давшилсан 300 тохиолдол бүртгэгдсэн аж.