Эдийн засаг

Цалинтай эхийн 50 мянган төгрөгийг ирэх долдугаар сараас олгохгүй

2018 оны нэгдүгээр сарын 1-ний өдрөөс Нийгмийн халамжийн тэтгэмжит хөтөлбөрүүдийн нэг болох Цалинтай эх хөтөлбөр хэрэгжиж эхэлсэн. Тодруулбал, 0-3 насны хүүхдээ асарч байгаа эхэд сар бүр 50 мянган төгрөгийн тэтгэмж олгодог.

2021 оны долдугаар сарын 1-ний өдрөөс “Цалинтай ээж” хөтөлбөрийг зогсоож, хүүхдээ асарч буй эхчүүдэд 50 мянган төгрөг олгохгүй байх Үндсэн хуулийн цэцийн зүгнэлт гарчээ.

Учир нь Үндсэн хуулийн цэцийн энэ сарын 20-ны өдрийн дунд суудлын хуралдаанаар, Эх, олон хүүхэдтэй өрх толгойлсон эх, эцэгт тэтгэмж олгох тухай хуулийн зарим заалт Үндсэн хуулийн холбогдох заалтыг зөрчсөн гэх дүгнэжээ.

Тодруулбал, тус хуулиар өөрийн төрүүлсэн 0-3 хүртэлх насны хүүхдээ асарч байгаа эхэд, хүүхэд асарсны тэтгэмж олгохоор заасан. Энэ нь ижил нөхцөлд хүүхдээ асарч байгаа эцгийн дээрх тэтгэмж авах боломжийг хязгаарлаж байна. Өөрөөр хэлбэл, хүүхдээ асарч байгаа эцэг, эхэд хүйсээс шалтгаалсан ялгамжтай байдлыг бий болгосон гэж Үндсэн хуулийн цэцийн гишүүд үзжээ.

Б.Эрдэнэ

ХОЛБООТОЙ МЭДЭЭ

Back to top button
Close